Պենտագոնը հայտնել է, որ իրանական պարեկային նավը վտանգավոր հեռավորության վրա մոտեցել է ԱՄՆ ռազմածովային ուժերի նավերին

ԱՄՆ Զինված ուժերի կենտրոնական հրամանատարությունը (CENTCOM) պնդում է, որ Իսլամական հեղափոխության պահապանների կորպուսի պարեկային նավը Հորմուզի նեղուցում մոտեցել է ԱՄՆ ռազմածովային ուժերի նավերին վտանգավոր հեռավորության վրա։ Լուրը հայտնում է ՏԱՍՍ-ը:

Համաձայն CENTCOM-ի հայտարարության, որը հրապարակվել է դեկտեմբերի 6-ին, միջադեպը տեղի է ունեցել այն ժամանակ, երբ USS Lewis B. Puller (ESB 3) լողացող ռազմաբազան և USS The Sullivans (DDG 68) ավիակիրն անցնում էին նեղուցը:

«Իսլամական հեղափոխության պահապանների կորպուսի պարեկային նավը ոչ անվտանգ և ոչ պրոֆեսիոնալ կերպով փոխազդել է ԱՄՆ ռազմածովային ուժերի նավերի հետ, որոնք դեկտեմբերի 5-ի երեկոյան անցնում էին Հորմուզի նեղուցով: Իրանական նավից ցանկացել են լուսավորել ամերիկյան նավերի կայմերը, ինչպես նաև մոտեցել են վտանգավոր հեռավորության վրա՝ 135 մետր, որն Ամերիկյան նավերի համար վտանգավոր փոքր հեռավորություն է, հատկապես գիշերը»,-ասվում է հաղորդագրության մեջ:

Ինչպես հայտնում է Պենտագոնը, ձայնային ազդանշաններ տալուց հետո ամերիկյան նավերը շարունակել են շարժվել։