«Հրապարակ». «Սասնա ծռերը» պատրաստվում են վրաններ տեղադրել Ազատության հրապարակում

«Հրապարակ» թերթը գրում է.

««Սասնա ծռերը» որոշել են եկող տարեսկզբից՝ հունվարի 2-ից սկսած, շուրջօրյա հավաքներ ու երթեր իրականացնել և արդեն «բրոնյա» են արել միաժամանակ ե՛ւ Ազատության հրապարակը, ե՛ւ Մատենադարանին հարող տարածքը՝ հունվարի 2-21-ը։ Իրազեկման դիմումը ներկայացրել է կուսակցության անդամ Հովհաննես Հովհաննիսյանը։

Դիմումում նշել են, որ հավաք-հանրային քննարկում են իրականացնելու, ինչպես նաև երթ՝ ավանդական երթուղով. Մատենադարան-Մաշտոցի պողոտա-Սայաթ-Նովայի պողոտա-Աբովյան փողոց-Հանրապետության հրապարակ-Ամիրյան փողոց-Մաշտոցի պողոտա-Մատենադարան երթուղով։

Իրազեկել են նաև, որ պատրաստվում են վրաններ տեղադրել Ազատության հրապարակում, սակայն քաղաքապետարանը մերժել է։ Երեկ ԱԺԲ-ն՝ զինվորական համազգեստներով, ակցիա էր անում նաև ՄԱԿ-ի գրասենյակի առաջ, կոչ էին անում ՄԱԿ-ի խաղաղապահներ տեղակայել Հայաստանում»։

Մանրամասները թերթի այսօրվա համարում