Թուրքիան հայտարարել է Ռուսաստանի և Ուկրաինայի հետ ամենաբարձր մակարդակով դիվանագիտական շփումները շարունակելու մասին

Թուրքիան շարունակում է ամենաբարձր մակարդակով դիվանագիտական կապեր պահպանել Ռուսաստանի և Ուկրաինայի հետ։ ՏԱՍՍ-ի փոխանցմամբ՝ այդ մասին հայտարարել է նախագահ Ռեջեփ Թայիփ Էրդողանը Նիդերլանդների վարչապետ Մարկ Ռյուտեի հետ հեռախոսազրույցի ժամանակ։

«Բանակցությունների ընթացքում քննարկվել են թուրք-հոլանդական հարաբերությունները և տարածաշրջանային հարցեր: Նախագահ Էրդողանը ընդգծել է, որ շարունակում է ամենաբարձր մակարդակով դիվանագիտական շփումները Ռուսաստանի և Ուկրաինայի հետ։

Բացի այդ, թուրքական պետության ղեկավարը մատնանշել է, որ «Թուրքիայի և Եվրամիության հարաբերությունների ներկայիս վիճակը չի համապատասխանում երկու կողմերի շահերին»,-հայտնել են Էրդողանի գրասենյակից։