Հարավկորեական լրատվամիջոցները հայտնում են, որ հյուսիսկորեական անօդաչու թռչող սարքերը հատում են սահմանը

Անհայտ թռփող օբյեկտները, որոնք, ենթադրաբար, հյուսիսկորեական անօդաչու թռչող սարքեր են, հատել են միջկորեական սահմանը: հաղորդում է Yonhap լրատվական գործակալությունը՝ վկայակոչելով զինվորականներին:

Ըստ «ՌԻԱ նովոստի»-ի՝ անօդաչու սարքերը ներթափանցել են Հարավային Կորեայի տարածք մինչև Սեուլի արվարձաններ։

Հարավային Կորեայի շտաբների պետերի միացյալ կոմիտեի տվյալներով՝ զինված ուժերը ժամը 10:25-ին բազմաթիվ թռչող օբյեկտներ են գրանցել Գյոնգի նահանգի սահմանամերձ շրջաններում:

Նրանք հատել են երկու Կորեաները բաժանող ռազմական սահմանազատման գիծը։ Օբյեկտները հայտնաբերվել են Գիմպո, Գանգհվա կղզում և Պաջուում:

Ինչհոն և Գիմպո օդանավակայաններում ժամանակավորապես դադարեցվել են թռիչքները։