Ես ուզում եմ, որ նրանք վերադառնան իմ կյանք. արքայազն Հարրին կարոտում է հորն ու եղբորը

Արքայազն Հարրին հայտարարել է, որ թագավորական ընտանիքը «բացարձակապես չի ցանկանում հաշտվել» իր և կնոջ՝ Մեգան Մարքլի հետ։

Hello-ի փոխանցմամբ, համացանցում է հայտնվել արքայազն Հարրիի առաջիկա հարցազրույցի թրեյլերը «ITV» հեռուստաընկերության համար։ Սասեքսի դուքսը խոստովանում է, որ կցանկանար հաշտվել իր հոր՝ Մեծ Բրիտանիայի թագավոր Չարլզ III-ի և եղբոր՝ արքայազն Ուիլյամի հետ, բայց նրանք պատրաստ չեն վերականգնել իրենց նախկին հարաբերությունները:

«Նրանք հաշտեցման բացարձակապես ոչ մի պատրաստակամություն չեն ցուցաբերել։ Ես ուզում եմ հայրիկիս վերադարձնել: Ես ուզում եմ եղբորս վերադարձնել»,- նշել է նա։

Տեսախցիկի առաջ Հարրին հայտարարում է, որ ցանկանում է ունենալ «ընտանիք», այլ ոչ թե «ինստիտուտ», չնայած այն հանգամանքին, որ միապետի հարազատները բացահայտորեն չեն սիրում նրան և Մեգանին որպես զույգ:

Հարցազրույցը եթեր կհեռարձակվի հունվարի 9-ին Հարրիի «Spare»  հուշերi գրքի հրապարակումից երկու օր առաջ: