L'Équipe-ն ընտրել է 2022 թվականի լավագույն մարզիկին

Ֆրանսիական L'Équipe-ը 2022 թվականի լավագույն մարզիկ է ճանաչել «Պարի Սեն Ժերմենի» և Արգենտինայի հավաքականի ֆուտբոլիստ Լիոնել Մեսսիին (808 միավոր)։ Հարձակվողն Արգենտինայի հավաքականի կազմում դարձել է Քաթարում կայացած 2022 թվականի աշխարհի առաջնության հաղթող, ինչպես նաև ճանաչվել է մրցաշարի լավագույն խաղացող։

Քվեարկությամբ երկրորդ տեղը զբաղեցրել է 35-ամյա արգենտինացու ակումբային գործընկեր ֆրանսիացի Կիլիան Մբապեն (381 միավոր)։ Իսպանացի թենիսիստ Ռաֆայել Նադալը երրորդն է (285  միավոր)։

Լավագույն հնգյակում է  հեծանվորդ Ռեմկո Էվենփոլը (252 միավոր),  «Ֆորմուլա-1»-ի ավտոարշավորդ Մաքս Ֆերստապենը։