Ջո Բայդենի վարչակազմը կդիմի Կոնգրեսին Թուրքիային F-16 կործանիչներ վաճառելու համար

ԱՄՆ նախագահ Ջո Բայդենի վարչակազմը մտադիր է ստանալ Կոնգրեսի հավանությունը Թուրքիային F-16 կործանիչներ վաճառելու համար։ ՏԱՍՍ-ի փոխանցմամբ՝ այդ մասին հայտնել է The Wall Street Journal-ը՝ վկայակոչելով ԱՄՆ վարչակազմի ներկայացուցիչներին։

Նրա խոսքով, խոսքը գնում է 40 նոր կործանիչների, ինչպես նաև Թուրքիայի հետ արդեն իսկ սպասարկվող 79 ինքնաթիռների արդիականացման մասին: Բացի այդ, ԱՄՆ-ը մտադիր է Թուրքիային վաճառել 900 «օդ-օդ» հրթիռ և 800 ավիառումբ։ Ըստ թերթի՝ հնարավոր է, որ զենքի վաճառքի մասին որոշումը համընկնի Թուրքիայի արտգործնախարար Մևլութ Չավուշօղլուի ԱՄՆ այցի հետ, որը նախատեսված է հունվարի 17-18-ը։

Պարբերականը նշում է, որ Թուրքիային F-16 վաճառելու որոշման հետ միաժամանակ ԱՄՆ օրենսդիրները կարող են հավանություն տալ Հունաստանին հինգերորդ սերնդի առնվազն 30 F-35 կործանիչների վաճառքին։ Ըստ հրատարակության՝ դա կնվազեցնի Աթենքում դժգոհության աստիճանը՝ կապված Վաշինգտոնի և Անկարայի միջև հնարավոր գործարքի հետ։