Հնդկաստանում ընկած կործանիչների օդաչուներից մեկը մահացել է

Հնդկաստանի ռազմաօդային ուժերը հաստատել են իրենց երկու կործանիչների վթարի մասին, արտակարգ դեպքի հետևանքով մեկ օդաչու մահացել է։ Լուրը հայտնում է «ՌԻԱ նովոստի»-ն:

«Այսօր առավոտյան Հնդկաստանի ռազմաօդային ուժերի երկու կործանիչներ կործանվել են Գվալիորի մոտակայքում: Ինքնաթիռները սովորական մարտական ուսումնական թռիչքի առաջադրանք էին կատարում: Երեք օդաչուներից մեկը մահացու վիրավորվել է»,-Twitter-ում հայտնել է ռազմաօդային ուժերի ներկայացուցիչը:

Նշանակվել է հետաքննություն՝ վթարի պատճառները պարզելու համար։

Հնդկաստանի ռազմաօդային ուժերի Su-30 և Mirage 2000 կործանիչները շաբաթ օրը կործանվել են Հնդկաստանի Մադհյա Պրադեշ նահանգում։ Ինքնաթիռները օդ են բարձրացել նահանգում տեղակայված Գվալիոր ավիաբազայից, որտեղ անցկացվել են վարժանքները։ Աղբյուրների համաձայն՝ Սու-30-ում երկու օդաչու է եղել, իսկ Mirage 2000 օդաչուների խցիկում՝ մեկ օդաչու։