Ֆրանսիացի պատգամավոր. ԵՄ-ի և Ադրբեջանի միջև գազային համաձայնագրի նախագիծը թիկունքից դանակահարություն է հայերի համար

Ֆրանսիացի սենատոր Բրունո Ռետայոն Թվիթերի իր միկրոբլոգում արձագանքել է ԵՄ էներգետիկ հարցերի հանձնակատար Քադրի Սիմսոնի Ադրբեջան կատարած այցի ու գազային համաձայնագրի ստորագրման վերաբերյալ գրառմանը։

«ԵՄ-ի և Ադրբեջանի միջև գազային համաձայնագրի նախագիծը թիկունքից դանակահարություն է հայերի համար։ Մենք չենք կարող պաշտպանել զոհերին՝ դահիճների հետ սակարկելիս. Ֆրանսիայի անունից Էմանուել Մակրոնը պետք է պախարակի այս ստոր պայմանագիրը»,-գրել է ֆրանսիացի գործիչը։