Փաշինյան. Հայաստանը պատրաստ է օգնություն ցուցաբերել Թուրքիային

Նիկոլ Փաշինյանը թվիթերի իր միկրոբլոգում ցավակցություն է հայտնել Թուրքիայում ու Սիրիայում տեղի ունեղած երկրաշարժի հետևանքով մարդկանց զոհվելու կապակցությամբ։

«Վշտացած եմ Թուրքիայում և Սիրիայում տեղի ունեցած ավերիչ երկրաշարժի լուրից, որը հանգեցրել է բազմաթիվ մարդկային կյանքերի կորստի։

Մեր խորին ցավակցություններն ենք հայտնում զոհվածների ընտանիքներին, իսկ վիրավորներին՝ շուտափույթ ապաքինում։ Հայաստանը պատրաստ է օգնություն ցուցաբերել»,-նշել է նա։

Գրառման ներքո շատ թուրք օգտատերեր շնորհակալություն են հայտնել Փաշինյանին։