Ավարտվել է միասնական քննությունների 1-ին փուլը

Ավարտվել է 2023թ. միասնական քննությունների 1-ին փուլը:

ԳԹԿ-ից հայտնում են, որ ձմեռային քննաշրջանի վերջին օրը՝ փետրվարի 12-ին ֆիզիկայի և հայոց պատմության քննություններն էին: Ֆիզիկա առարկան հայտագրել էր 558 հոգի, մասնակցել է 542-ը:

Բացակայել է 14 դիմորդ, 2 հոգի հեռացվել է քննասենյակից:

Հայոց պատմություն հայտագրել է 581 դիմորդ, քննության մասնակիցների թիվը 557 է, բացակայել են 23-ը, հեռացվել է 1 դիմորդ: