Ամենից շատ կարդացված նյութեր
.jpg "Բոլոր գործընթացների և որոշումների հիմքում՝ Արցախի ժողովրդի կենսական շահերը․ Հարությունյան")
Բոլոր գործընթացների և որոշումների հիմքում՝ Արցախի ժողովրդի կենսական շահերը․ Հարությունյան
Արայիկ Հարությունյանը փետրվարի 15-ին հանդիպել է Ազգային ժողովի «Ազատ հայրենիք-ՔՄԴ» խմբակցության հետ: Այս մասին հայտնում են ԱՀ նախագահի աշխատակազմից։
«Քննարկվել են շրջափակման հետևանքով Հանրապետությունում ստեղծված սոցիալ-տնտեսական խնդիրներն ու դրանց հաղթահարման ուղիները, սահմանադրական փոփոխության նախաձեռնությունը, ռազմաքաղաքական իրավիճակը:
Երկրի ղեկավարը նշել է, որ Արցախի իշխանությունները շարունակում են գործադրել բոլոր ջանքերը ստեղծված ծանր վիճակում առկա խնդիրներին արդյունավետ լուծումներ գտնելու համար:
Հարությունյանի խոսքով՝ պետական նշանակության բոլոր գործընթացների և որոշումների հիմքում պետք է լինեն բացառապես Արցախի ժողովրդի կենսական շահերը, հետևաբար՝ հանրային համերաշխությունն ու ներքին կայունությունն առավել քան պահանջված են եղած մարտահրավերներին դիմակայելու և հնարավոր նոր փորձություններից խուսափելու համար»,- ասվում է հաղորդագրությունում:
Studio One