Հայտնի ֆուտբոլիստին Թուրքիայի փլատակներում մահացած են գտել

Հայտնի ֆուտբոլիստ  31-ամյա Քրիստիան Ատսուին մահացած են գտել Թուրքիայի փլատակներում։ BBC-ի փոխանցմամբ, այդ մասին հայտարարել է նրա գործակալը։ 

Նա Գանայի ազգային հավաքականի անդամ է, խաղացել է անգլիական «Չելսի», «Էվերտոն» ու այլ ակումբներում։

Ֆուտբոլիստն այժմ խաղում էր թուրքական «Հաթայսպոր» ակումբում։ Նա անհետ կորած էր համարվում փետրվարի 6-ից։ Աղետի պահին  եղել է  Հաթայի նահանգի Անթաքիա քաղաքում՝ իր բնակարանում։

Ինչպես թվիթերի իր էջում հայտնել է ֆուտբոլային ակումբը, ֆուտբոլիստը կհուղարկավորվի իր հայրենիքում՝ Գանայում.

«Մենք քեզ չենք մոռանա, Ատսու։ Խաղաղություն քեզ, սիրուն  մարդ: Բառեր չկան նկարագրելու մեր տխրությունը»։

The funeral of our football player Christian Atsu, who lost his life under the rubble ( debris), is on his way to be sent to his hometown, Ghana. We will not forget you, Atsu. Peace be upon you, beautiful person. There are no words to describe our sadness.
REST in PEACE ATSU

— Hatayspor (@Hatayspor_FK) February 18, 2023