Աֆղանստանի հյուսիսում թալիբները հրապարակայնորեն մտրակել են 23 մարդու

Աֆղանստանում իշխանության եկած արմատական «Թալիբան» շարժման կողմնակիցները երկրի հյուսիսում գտնվող Սարի Պուլ նահանգում հրապարակայնորեն մտրակել են 23 մարդու, այդ թվում՝ 9 կնոջ։ ՏԱՍՍ-ը հատնում է, որ այդ մասին չորեքշաբթի հայտնել է աֆղանական Hasht-e Subh թերթը՝ հղում անելով տեղական աղբյուրներին։

Ըստ նրանց՝ ամբաստանյալները ֆուտբոլի մարզադաշտի տարածքում պատժվել են դավաճանության, նախամուսնական կապերի, տնից փախչելու և մոլախաղերի համար։

Փետրվարի 2-ին թալիբների կողմնակիցները մտրակել են հարավային Գիլմենդ նահանգի 16 բնակչի։ Նրանք մեղադրվում էին գողության, դավաճանության և վարչական իրավախախտումների մեջ։ Ամբաստանյալներից յուրաքանչյուրը մտրակի 30-ից 39 հարված է ստացել։