Արոնյանն ու Գուկեշը միմյանց դեմ կմրցեն «WR Chess Masters» մրցաշարի վերջին խաղափուլում

Հայաստանի շախմատի տղամարդկանց թիմի նախկին անդամ, ԱՄՆ դրոշի ներքո հանդես եկող Լևոն Արոնյանը և հնդիկ շախմատիստ Դոմարաջու Գուկեշը 8 հնարավորից վաստակել են 5 միավոր և միմյանց դեմ կմրցեն «WR Chess Masters» մրցաշարի վերջին խաղափուլում, որը տեղի կունենա այսօր՝ փետրվարի 25-ին:

Երբ նրանց խնդրել են միասին նկարվել՝ ինչ-որ մրցակցություն ցույց տալու համար, Լևոնը ձեռքը գցել է Գուկեշի ուսին և ասել. «Մենք բոլորս ընկերներ ենք»:

Հայաստանի Շախմատի ֆեդերացիայի հաղորդմամբ, ոչ-ոքիի դեպքում տեղի կունենա փլեյ-օֆֆ։