Հունգարիայի ԱԳ նախարարը «Հյուսիսային հոսք»-ի պայթյունները ահաբեկչություն է որակել

«Հյուսիսային հոսք»-ի վրա հարձակումը պետք է դիտարկել որպես ահաբեկչություն, Բուդապեշտը սատարում է այս միջադեպի բազմակողմանի հետաքննությանը: Այս մասին «Ռիա Նովոստի»-ին տված հարցազրույցում հայտարարել է Հունգարիայի ԱԳ նախարար Պետեր Սիյարտոն:

«Ինչ էլ որ տեղի ունենա «Հյուսիսային հոսք» գազատարի վրա, դա, իսկապես սկանդալային է, քանի որ սա, ըստ էության, առաջին դեպքն է, երբ եվրոպական կրիտիկական ենթակառուցվածքի նման խոշոր օբյեկտը ենթարկվել է հարձակման ՝ ինչ-որ մեկի կողմից, սակայն այն ենթարկվել է հարձակման», - ասել է նախարարը։

Նման հարձակումը, ընդգծել է նա, «սկզբունքորեն պետք է դիտարկել որպես ահաբեկչական գործողություն»։ Արտգործնախարարը հավելել է, որ Հունգարիան աջակցում է տեղի ունեցածի «համապարփակ, խորը, կառուցվածքային և մանրամասն հետաքննությանը»։ 

Նրա խոսքով ՝ անկախ նրանից, թե ով է նախաձեռնում հետաքննությունը, Հունգարիան աջակցում է բոլոր տեսակի վարույթներին, որոնք թույլ կտան պարզել հարձակման մեջ ներգրավված անձանց:

ՄԱԿ-ը, հավելել է Սիյարտոն, պետք է «Հյուսիսային հոսք»-ում տեղի ունեցածի հետաքննության մեխանիզմ տրամադրի և կարող է հարթակ դառնալ նման հետաքննության համար: