Խաչիկ Գալստյան. «Մեծն բուլբուլյատորը» այդպես էլ հստակ չպատասխանեց մի պարզ հարցի

«Հայրենիք» կուսակցության քաղխորհրդի անդամ Խաչիկ Գալստյանը, արձագանքելով ՆԻկոլ Փաշինյանի հայտարարություններին, գրում է.

«Այս տարիների ընթացքում Հայաստանում, Արցախում և Սփյուռքում Արցախյան կարգավորման հիմնահարցի վերաբերյալ (բացի Նիկոլ Փաշինյանից) ձևավորվել է նվազագույն կոնսենսուս, որի առանցքը Ադրբեջանի կազմում Արցախի գոյության անհնարինության սկզբունքն է։

Սա, ըստ էության, Արցախի հարցում հայ ժողովրդի հավաքական դիրքորոշման «կարմիր գիծն է»։

Հիմա լրագրողի ուղիղ հարցին ի պատասխան՝ արդյո՞ք ՀՀ վարչապետը տեսնում է Արցախը Ադրբեջանի կազմում, և, եթե ոչ՝ ապա թող հստակ հայտարարի այդ մասին, «մեծն բուլբուլյատորը» երկար-բարակ, աղեկտուր խոսեց այստեղից-այնտեղից, իրական ու կեղծ շահառուներից, կաշկանդված ու անկաշկանդ լինելուց, բայց այդպես էլ հստակ չպատասխանեց մի պարզ հարցի՝ որ Արցախը երբեք չի լինելու Ադրբեջանի կազմում։

Չպատասխանեց, քանի որ ինքը վաղուց է արդեն Արցախը հանձնել թուրքի ողորմածությանը, քանի որ ինքը մտքում վաղուց է մասնատել Հայաստանը, ինքը գենետիկ մակարդակում է զզվում արցախցիներից, այն ամենից, ինչի վրա կա հայկականության խորը հետքը։ Քանի որ ինքը կաշկանդված է․․․․․ հոգով ու մարմնով է պիղծ․․․․․»։