Ամենից շատ կարդացված նյութեր
.jpg "Արցախի ժողովրդի նկատմամբ Ադրբեջանի կողմից ամենօրյա ռեժիմով իրականացվում է էթնիկ զտման քաղաքականություն. Գ. Ստեփանյան")
Արցախի ժողովրդի նկատմամբ Ադրբեջանի կողմից ամենօրյա ռեժիմով իրականացվում է էթնիկ զտման քաղաքականություն. Գ. Ստեփանյան
Արգենտինայում ընթացող մարդու իրավունքների համաշխարհային ֆորումի շրջանակում Արցախի Հանրապետության Մարդու իրավունքների պաշտպան Գեղամ Ստեփանյանը ներկայացրել է Արցախում առկա իրավիճակն ու Արցախի ժողովրդի նկատմամբ ամենօրյա ռեժիմով Ադրբեջանի կողմից իրականացվող էթնիկ զտման ու ցեղասպանական քաղաքականությունը։ «100-ից ավելի օր Արցախը շրջափակման մեջ է» թեմայով ասուլիսում ասաց Գ. Ստեփանյանը, ով միացել է առցանց։
«Ներկայացրել եմ այն բոլոր գոյաբանական սպառնալիքները, որոնց առերեսվում ենք Արցախում, որոնք հանգեցնում են արցախցիների բազմաթիվ իրավունքների և ազատությունների խախտմանը»,- ասաց նա։
Գ. Ստեփանյանի խոսքով, գուցե այդ խողովակը ինչ-որ առումով օգտակար լինի առավել բարձրացնելու միջազգային իրազեկվածությունը և ստանալու միջազգային հարթակներում գործող մարդու իրավունքների պաշտպանությամբ զբաղվող կազմակերպությունների և անհատների աջակցությունը։
Ասուլիսում նա ներկայացրեց նաև օրերս հրապարակված արտահերթ եռալեզու զեկույցը՝ Ադրբեջանի կողմից Արցախի 100-օրյա շրջափակման հետևանքով մարդու անհատական և հավաքական իրավունքների խախտումների մասին:
Studio One