ԱՄՆ Կոնգրեսի Ներկայացուցիչների պալատի տասնյակ անդամներ կոչ են արել դադարեցնել Ադրբեջանին ռազմական օգնությունը

ԱՄՆ Կոնգրեսի Ներկայացուցիչների պալատի 69 անդամներ՝ երկու կուսակցություններից, հանդես են եկել Ադրբեջանին ռազմական օգնությունը դադարեցնելու և Արցախին ու Հայաստանին 150 միլիոն դոլարի օգնություն ուղարկելու կոչով: Այս մասին նշված է է Ամերիկայի Հայ դատի հանձնախմբի տարածած հաղորդագրության մեջ։ 

Նախաձեռնությունը ղեկավարում է Կոնգրեսի հայկական հանձնախմբի հիմնադիր համանախագահ Ֆրենկ Փալոնը:

Ներկայացուցիչների պալատի անդամները նամակն ուղարկել են Պետական արտաքին գործառնությունների գծով հատկացումների ենթահանձնաժողովի նախագահ Մարիո Դիաս Բալարտին և ենթահանձնաժողովի բարձրաստիճան անդամ Բարբարա Լիին, ովքեր արդեն սկսել են ԱՄՆ Ներկայացուցիչների պալատի 2024 թ. ֆինանսական տարվա արտաքին օգնության մասին օրինագծի տարբերակի մշակումը: