Ամենից շատ կարդացված նյութեր
.jpg "Վահան Քերոբյանը գյուղացիներից կաթի մթերման գների նվազեցման միտումը կապեց դրամի արժևորման հետ")
Վահան Քերոբյանը գյուղացիներից կաթի մթերման գների նվազեցման միտումը կապեց դրամի արժևորման հետ
«Ամեն ինչ արվում է ստանդարտներին համաձայն և չեմ կարծում, որ ընկերությունները խախտում են կաթնամթերքի արտադրության ստանդարտները, համենայն դեպս, ՍԱՏՄ-ն դրան ուշադիր հետևում է»,-կառավարության նիստից հետո հայտարարեց էկոնոմիկայի նախարար Վահան Քերաբյանը՝ արձագանքելով լրագրողի պնդմանը, որ կաթնամթերք արտադրող ընկերությունները 40 դրամով նվազեցրել են գյուղացուց կաթի մթերման գները և էժան ներմուծված կաթի փոշի են օգտագործում արտադրության մեջ:
Նախարարը, ընդունելով, որ խնդիրը կա, հավելեց. «Այն, ըստ էության դրամի հետևողական արժևորման արձագանքն է, որը տեղական կաթ արտադրողների արտադրանքը դարձնում է ավելի քիչ մրցունակ, քան ներմուծված կաթի փոշունը»:
Քերոբյանը տեղեկացրեց, որ արդյունաբերության ոլորտի զարգացմանը խոչընդոտող հարցերը քննարկել են կառավարությունում և նշեց, որ, չնայած դրամի արժևորումը մեծ դեր ունի գնաճը զսպելու մեջ, բայց արտահանող արդյունաբերական ընկերությունների, ինչպես նաև գյուղատնտեսությամբ զբաղվող ընկերությունների համար որոշակիորեն բացասական նշանակություն ունի:
Studio One