Վրացի շախմատիստուհի Մերի Արաբիձեն՝ Եվրոպայի չեմպիոն

Մերի Արաբիձեն երկրորդ վրացի շախմատիստն է, ով նվաճել է Եվրոպայի չեմպիոնի կոչումը եվրոպական շախմատի պատմության մեջ։

Վրացական «Առաջին ալիք»-ի փոխանցմամբ, Պետրովացում անցկացված շախմատի կանանց Եվրոպայի առաջնությունում Մերի Արաբիձեն 11 հնարավորից վաստակել է 8,5 միավոր և գրավել առաջին տեղը։ Արաբիձեն առաջնությունն ավարտել է առանց պարտության։

Մերի Արաբիձեն 2015 թվականի աշխարհի թիմային առաջնության հաղթող է, շախմատի օլիմպիադայի և Եվրոպայի թիմային առաջնությունների բազմակի մրցանակակիր։

Մերի Արաբիձեն երկրորդ վրացի շախմատիստուհին է, ով դարձել է Եվրոպայի չեմպիոն։ Նանա Ձագնիձեն առաջին անգամ մայրցամաքի չեմպիոնի տիտղոսը նվաճել է 2017 թվականին: