Մատվիենկո. Ռուսաստանը հուսով է Հայաստանի և Ադրբեջանի միջև խաղաղության պայմանագիրը կկքնվի հնարավորինս շուտ

Ռուսաստանը հուսով է, որ Հայաստանի և Ադրբեջանի միջև խաղաղության պայմանագիրը կստորագրվի որքան հնարավոր է շուտ։ ՏԱՍՍ-ի հաղորդմամբ, ուրբաթ ասել է ՌԴ Դաշնության խորհրդի խոսնակ Վալենտինա Մատվիենկոն։

«Ռուսաստանն արել է հնարավոր ամեն ինչ և շարունակում է անել հնարավորը, որպեսզի խաղաղության պայմանագիրը հնարավորինս շուտ ստորագրվի եռակողմ համաձայնագրի շրջանակներում, որը ժամանակին ստորագրել են երեք պետությունների ղեկավարներ։ Հուսով ենք, որ դա տեղի կունենա որքան հնարավոր է շուտ»,- ասել է Մատվիենկոն Սանկտ Պետերբուրգում ԱՊՀ միջխորհրդարանական վեհաժողովի նստաշրջանի արդյունքներով ճեպազրույցում։

Ճեպազրույցին մասնակցել են նաև Հայաստանի Ազգային ժողովի նախագահ Ալեն Սիմոնյանը և Ադրբեջանի Միլլի Մեջլիսի նախագահ Սահիբա Գաֆարովան։