Բժշկի խորհուրդները՝ գյուղատնտեսական աշխատանքների մեկնարկին

Ռուս բժիշկ Անդրեյ Տյաժելնիկովն ամառանոցի բնակիչներին, որոնք զբաղվում են այգեգործական աշխատանքներին, խորհուրդ է տվել հաճախ ընդմիջում վերցնել  և փոխել գործունեության տեսակը։

Ամառային աշխատանքի կտրուկ մեկնարկը կարող է հանգեցնել խրոնիկական հիվանդությունների և սրտանոթային խնդիրների  սրման, ուստի անհրաժեշտ է 15-20 րոպեն մեկ ընդմիջումներ անել և ծանրությունը վերաբաշխել  մկանային տարբեր խմբերի վրա։

«Անկախ նրանից, թե մարդն ինչ աշխատանք է կատարում երկրում, անհրաժեշտ է 15-20 րոպեն մեկ հաճախակի հանգստի ընդմիջումներ անել, փոխել գործունեությունը, վերաբաշխել ծանրաբեռնվածությունը տարբեր մկանային խմբերի վրա և բարեկեցության վիճակը փոխկապակցել գործունեության հետ։ Ծանրությունը պետք է աստիճանաբար ավելացնել, աշխատանքի ծավալը պետք է բաշխել՝ հաշվի առնելով այդ հանգամանքը»,-«Ռիա Նովոստի»-ի փոխանցմամբ,  ասել է բժիշկ Տյաժելնիկովը։

Գյուղատնտեսական աշխատանքներ իրականացնելիս, ծանր առարկաներ բարձրացնելիս  նա խորհուրդ է տվել շատ ուշադիր լինել՝ մեջքը չվնասելու համար։ Բժիշկը խորհուրդ է տվել գլուխը կախ երկար չաշխատել, քանի որ այն կարող է առաջացնել ճնշման հանկարծակի բարձրացում։

«Տարվելով գյուղատնտեսական աշխատանքներով, մարդիկ տարվում են ավելի շատ բան անելու ձգտումով։ Սակայն չմարզված  մարմինը չի դիմանում հանկարծակի ծանրաբեռնվածությանը։ Այս ամենն առաջացնում է քրոնիկ հիվանդությունների սրացումները և հաճախ՝ սրտանոթային պրոբլեմներ», - ընդգծել է Տյաժելնիկովը։