ՔՊ-ական պատգամավորը պնդում է՝ ԶՊՄԿ պահնորդին ադրբեջանցի է սպանել

ՔՊ-ական պատգամավոր, սյունեցի Նարեկ Ղահրամանյանը պնդում է, որ ԶՊՄԿ պահնորդին սպանել է Ադրբեջանից Հայաստան ներթափանցած զինծառայողներից մեկը։

Խորհրդարանում «Հրապարակ»-ի լրագրողի հարցին ի պատասխան, որ դատախազությունը հերքում է ադրբեջանցիների առնչությունը սպանությանը, որևէ ապացույց չկա, պատգամավորը պատասխանել է․

«Չկա, կլինի։ Սպասեք իրավապահների բացահայտումներին»։

Հիշեցնենք, որ դատախազությունը երեկ հայտնեց, որ Հայաստան թափանցած ադրբեջանցիներից որևէ մեկին պահնորդի սպանության համար մեղադրանք չի առաջադրվել։