Ըմբշամարտի ԵԱ. Արթուր Ալեքսանյանը՝ չեմպիոն

Զագրեբում ընթացող Հունահռոմեական ոճի ըմբշամարտի Եվրոպայի առաջնությունում  Եվրոպայի հնգակի ու աշխարհի քառակի չեմպիոն Արթուր Ալեքսանյանը 97 կգ քաշային կարգում արժանացավ չեմպիոնի կոչմանը ։

Նա իր մրցակցին՝ Բուլղարիայի ներկայացուցիչ Կիրիլ Միլովին հաղթեց 5-1 հաշվով։

Մինչ այդ 60 կգ քաշային կարգի չեմպիոնի կոչմանն արժանացավ Բուլղարիան ներկայացնող Էդմոնդ Նազարյանը։ Նա կրկնակի օլիմպիական չեմպիոն Արմեն Նազարյանի որդին է։