Դատախազությունը չի մեկնաբանում զինդատախազի տեղակալ Հովհաննես Քոչարյանի ազատման մասին լուրը

Գլխավոր դատախազությունը չի մեկնաբանում ՀՀ զինվորական դատախազի տեղակալ Հովհաննես Քոչարյանի՝ աշխատանքից ազատվելու վերաբերյալ լուրերը։

Մի քանի ԶԼՄ-ներ, վկայակոչելով իրենց աղբյուրները, գրել են, որ Հովհաննես Քոչարյանն ազատման դիմում է գրել։ Նաև նշվում է, որ նա զբաղվելու է մտերիմ անձի առողջական հարցերով:

Panorama.am-ը փորձեց գլխավոր դատախազությունից ճշտել Քոչարյանի ազատման վեարաբերյալ տեղեկությունը, սակայն ասացին, որ չեն մեկնաբանում։

Հիշեցնենք, որ Հովհաննես Քոչարյանը նշանակվել էր զինվորական դատախազի տեղակալի պաշտոնում 2022 թ. դեկտեմբերին։