Սոթքի ոսկու հանքի «ճակատագիրն» այս պահին անորոշ է․ աշխատակից

Սոթքի ոսկու հանքի աշխատանքները լրիվ դադարեցվում են։ Այս մասին «Հրապարակին» տեղեկացրել է հանքի աշխատակիցներից մեկը:

Ըստ լրատվամիջոցի՝մարզպետը հանդիպել է Սոթքի հանքի աշխատակիցներին և տեղեկացրել է, որ հանքի շահագործումը կասեցվում է` այլևս հանքը չի աշխատելու:

 Սակայն panorama.am-ին հանքի մեկ այլ աշխատակից ասաց՝ հանդիպել են Գեղարքունիքի մարզպետի, ընկերության ղեկավարության և աշխատակիցները։ Մարզպետը տեղեկացրել է, որ անվտանության նկատառումներից ելնելով, հանքավայրի շահագործումը դեռևս դադարեցված է։ Աշխատակիցներին խոստացել է, որ եթե մինչև մայիսի 2-3 ոչինչ չփոխվի,ապա նորից կհանդիպեն։ 

 Սոթքի ոսկու հանքավայրը շահագործող ընկերությունից՝ «ԳեոՊրոՄայնինգ Գոլդ» ՍՊԸ-ից, փորձեցինք ճշտել լուրը, սակայն ընկերությունից panorama.am-ին փոխանցեցին, որ վաղն այդ մասով հայտարարություն կտարածեն։