Կրեմլն արձագանքել է Պուտինի մուտքը Մոլդովա արգելելու մասին հայտարարությանը

Ռուսաստանի նախագահի մամուլի քարտուղար Դմիտրի Պեսկովը, մեկնաբանելով Մոլդովայի վարչապետ Դորին Ռեսեանի հայտարարությունը, թե Վլադիմիր Պուտինին արգելել են մուտք գործել հանրապետություն,  նշելով, որ Մոլդովան ձգտում է դառնալ ոչ բարեկամ երկիր։ Պեսկովի խոսքերը մեջբերել է « ՌԻԱ նովոստի»-ն:

«Ակնհայտ է, որ Մոլդովայի ներկայիս ղեկավարությունը արագորեն շարժվում է դեպի այն նույն՝ մեզ լավ հայտնի ռուսաֆոբիան»,-ասել է նա:

Պեսկովը ուշադրություն է հրավիրել այն փաստի վրա, որ Քիշնևում, չգիտես ինչու, «եվրաինտեգրման ձգտումները» նույնացնում են ռուսաֆոբիայի ծաղկման հետ։

«Նրանք կարծում են, որ այն՝ Ռուսաստանը և ռուսամետ ցանկացած դրսևորումը ատելը, պետք է լինի եվրաինտեգրման միանգամայն պարտադիր ատրիբուտ»,-հավելել է խոսնակը։

Նա ընդգծեց, որ այդ գործընթացները կապված չեն հասարակության տրամադրությունների հետ։

Ռեչանին նախօրեին հայտնել էր, որ Մոլդովայի իշխանությունները կազմել են Ռուսաստանի պաշտոնյաների «բավականին երկար» ցուցակ, որոնց մուտքն արգելված է հանրապետություն, բայց դեռ չեն հրապարակել այն։ Ճշտող հարցին, թե Ռուսաստանի նախագահը կկարողանա՞ մտնել Մոլդովա՝ Ռեչանը կատեգորիկ «ոչ» է պատասխանել։

Ռուսաստանի Անվտանգության խորհրդի փոխնախագահ Դմիտրի Մեդվեդևը հայտարարել է, որ Մոլդովան տեղի ղեկավարների կողմից վաճառվել է Ռումինիային, ուստի նման երկիր այլևս չկա, և նրանց հետ խոսելն իմաստ չունի։