Գնա ու էլ չվերադառնաս. Մանրամասներ ադրբեջանական ապօրինի անցակետում զրույցից

Արցախի Հանրապետության Հին Շեն  գյուղի բնակիչ Գեղամ Հարությունյանը, որ ստիպված է եղել հատել Լաչինի միջանցքում ադրբեջանցիների կողմից ապօրինի տեղադրված անցակետը, մանրամասներ է պատմել լրատվամիջոցներին։

Infoteka24-ի փոխանցմամբ, քաղաքացին պատմել է, որ ադրբեջանցիները իր մեքենան ու փաստաթղթերը ստուգելուց հետո նրան ասել են, որ չվերադառնա։

«Մեզ նկարահանել են, ստուգել են անձնագիրը։ Ասեցին՝ գնա ու էլ չվերադառնաս»,-պատմել է նա։
Ըստ աղբյուրի, ստուգել են նաև մեքենայի բեռնախցիկը, ստուգումներն իրականացրել են երկուսը, բայց տեղում նրանց թիվը մեծ է եղել։

«Մտածում էին՝ անձնագրում սահմանը հատելու կնիք դնե՞լ, թե՞ ոչ։ Ես էլ ասացի՝ ի՞նչ եք դնելու։ Չդրեցին»,- պարզաբանել է  Գեղամ Հարությունյանը։