Ամենից շատ կարդացված նյութեր
.jpg "«Հրապարակ». Ինչու է կառավարությունը քաղաքացիներից ծածուկ պահում իր որոշումները")
«Հրապարակ». Ինչու է կառավարությունը քաղաքացիներից ծածուկ պահում իր որոշումները
«Հրապարակ» թերթը գրում է.
«Նիկոլ Փաշինյանի իշխանությունը ժողովրդավարության և թափանցիկության ռեկորդներ է սահմանում. կառավարության երեկվա նիստում ընդգրկված 48 հարցից և ոչ մեկը զեկուցման ենթակա չէր, ընդ որում՝ երկուսը գաղտնի էին: Դրանցից մեկը վարչապետի աշխատակազմին էր վերաբերում, մյուսը՝ Ազգային անվտանգության ծառայությանը։
Թերևս հասկանալի է, թե ինչու է կառավարությունը քաղաքացիներից ծածուկ պահում իր որոշումները, մինչ երկիրը լրջագույն անվտանգային մարտահրավերների առջև է կանգնած, դիցուք՝ այսօրվա նիստի հաստատմանն է ներկայացվել «վարչապետի հովանու ներքո ուժային կառույցների միջև անցկացվող ռազմամարզական խաղերի կանոնակարգը»։
Փաշինյանի որոշմամբ՝ ՊՆ, ԱԱԾ, Ոստիկանության, Փրկարար ծառայության, ինչպես նաև ՊՊԾ, ՊԵԿ, Քննչական կոմիտեի և Գլխավոր դատախազության թիմերն ըստ մարզաձևերի պետք է մրցեն իրար հետ, իսկ ուժային կառույցների միջև անցկացվող ռազմամարզական խաղերի ծախսերն իրականացվելու են ՀՀ պետական բյուջեի հաշվին»։
Մանրամասները թերթի այսօրվա համարում
Studio One