«Սյուզաննա Մելքոնյանն այս տարի «Սլավյանսկի բազար» չի գնա

Ամիսներ առաջ «Սլավյանսկի բազար» ամենամյա մրցույթի հայաստանյան կազմկոմիտեն որոշում էր կայացրել, որ երիտասարդ կատարողների հեղինակավոր մրցույթում Հայաստանը կներկայացնի երգչուհի Սյուզաննա Մելքոնյանը:

Օրերս, մրցույթի հայաստանյան պատվիրակության ղեկավար Վրեժ Կիրակոսյանը և Սյուզաննա Մելքոնյանը տեղեկացրել են, որ քննարկել են և համատեղ որոշում կայացրել, դիտարկել Սյուզաննայի մասնակցությունը տեղափոխել մրցույթում հաջորդ տարի։

«Հեղինակավոր մրցույթում աշխատանքների կազմակերպման ընթացակարգով պայմանավորված մենք Սյուզաննայի հետ միասին որոշում կայացրեցինք, նրա մասնակցությունը «Սլավյանսկի բազար» մրցույթում դիտարկել հաջորդ տարի»,- մանրամասնել է մրցույթի հայաստանյան պատվիրակության ղեկավար Վրեժ Կիրակոսյանը։

Շառլ Ազնավուրի անվան մշակույթի և արվեստի պետական քոլեջ ՊՈԱԿ-ից հայտնում են՝ այսպիսով, մրցույթի կանոնների համաձայն, հայաստանյան կազմկոմիտեն կդիտարկի և օրերս կհայտարարի, թե հուլիսի 12-17-ը Բելառուսում կայանալիք «Սլավյանսկի բազար-2023» հեղինակավոր երիտասարդ կատարողների մրցույթում ով կներկայացնի Հայաստանը: