Արցախցիները երթով շարժվում են Զառին բաղ՝ ի աջակցություն Կոռնիձորի հանրահավաքի

Այսօր «Կամավորական շարժում» ՀԿ հանրահավաքը  է անցկացնելու Կոռնիձորում։

«Հայաստանին պարտադրվող զիջումներին և սահմաններին ոչ ասելու,

Արցախին և Հայաստանին տեր լինելու մեր որոշումը վերահաստատելու,

Ապրելու և պայքարելու մեր կամքը ցույց տալու համար՝

Հրավիրում ենք բոլորին մայիսի 20-ին, ժամը 12։00-ին մասնակցելու Կոռնիձորում՝ Հաքարի կամուրջի սկզբնամասում կայանալիք հանրահավաքին»,- ասվում է շարժման տարածած հայտարարությունում։

Կոռնիձորի մոտ տեղի ունեցող  հանրահավաքին միանում են նաև արցախցիները։

Նրանք Ստեփանակերտի Զինվորական Պանթեոնից քայլերթով շարժվել են Արցախը Մայր Հայաստանին կապող ավտոճանապարհի Զառին բաղ կոչվող տեղամաս։