«Ժողովուրդ». Ինչու նախկին փոխվարչապետ Համբարձում Մաթևոսյանը նոր պաշտոն ստացավ

«Ժողովուրդ» թերթը գրում է.

««Ժողովուրդ» օրաթերթին նոր տեղեկություններ են հասել այն մասին, թե ինչու նախկին փոխվարչապետ Համբարձում Մաթևոսյանը նոր պաշտոն ստացավ:

Ինչպես հայտնի է, դեռ 2022 թվականի նոյեմբերի 4-ին «Քաղաքացիական պայմանագիր» խմբակցությունը պաշտոնապես հաստատեց, որ վարչության ընտրությունները կեղծվել են. արդյունքում վարչության կազմից դուրս էին մնացել իշխող խմբակցության ղեկավար Հայկ Կոնջորյանը և արդեն նախկին փոխվարչապետ Համբարձում Մաթևոսյանը, փոխարենը նոր վարչության կազմում էին պատգամավոր Արսեն Թորոսյանը և ԱԻՆ նախարար Արմեն Փամբուխչյանը։

Եվ, ահա, «Ժողովուրդ» օրաթերթի տեղեկություններով՝ մինչև քվեաթերթիկների վերահաշվարկը, երբ արդեն հայտնի էր, որ Համբարձում Մաթևոսյանը կեղծման գլխավոր դերակատարներից էր, վերջինս ոտքի է կանգնել և ասել, թե իր տեղը կզիջի Արսեն Թորոսյանին, միայն թե չարժե աղմկել, որ խայտառակությունը չբացահայտվի: Նիկոլ Փաշինյանը Մաթևոսյանի այս արարքը բարձր է գնահատել և ասել, որ հանուն կուսակցության հեղինակության նման անձնազոհության դրսևորումը շատ կարևոր է, ինչը պետք է գնահատել: Կարճ ժամանակ անց, իհարկե, Փաշինյանը գնահատեց Համբարձում Մաթևոսյանի արարքը և նրան նշանակեց իր խորհրդական»։

Մանրամասները թերթի այսօրվա համարում։