«Ինտերը»՝ Իտալիայի գավաթակիր

Իտալիայի գավաթի խաղարկության եզրափակչում «Ինտերը» 2:1 հաշվով հաղթել է «Ֆիորենտինային»՝ դառնալով  Իտալիայի գավաթակիր: 

Խաղի հաշիվը 3-րդ րոպեին բացել է ֆլորենցիական ակումբի հարձակվող Նիկոլաս Գոնսալեսը։ Միլանյան ակումբի արգենտինացի հարձակվող Լաուտարո Մարտինեսը 29-րդ և 37-րդ րոպեներին դառնալով գոլերի հեղինակ՝ հաղթանակ պարգևեց «Ինտերին»։  

«Ինտերում» հանդես եկող Հայաստանի հավաքականի նախկին կիսապաշտպան Հենրիխ Մխիթարյանը վնասվածքի պատճառով չէր մասնակցում խաղին: Նա վնասվածքը ստացել էր «Միլանի» հետ ՉԼ կիսաեզրափակիչ պատասխան խաղում։

2021-2022 մրցաշրջանում «Ինտերը» նվաճել էր գավաթը։