ՊՍԺ-ն պատրաստ է Մեսսիին մեկ մրցաշրջանի համար վճարել 100 միլիոն եվրո

«Պարի Սեն Ժերմենը» պատրաստվում է նոր պայմանագիր առաջարկել արգենտինացի հարձակվող Լիոնել Մեսսիին:  Գազետա.ռու-ի հաղորդմամբ, այս մասին սոցիալական ցանցերում հայտնում է լրագրող Ֆրանսուա Գալարդոն։

Նրա խոսքով, ՊՍԺ-ն պատրաստ է նոր պայմանագիր առաջարկել 35-ամյա հարձակվողին «1 + 1» սխեմայով տարեկան 100 միլիոն եվրո աշխատավարձով։ Փարիզյան ակումբի ղեկավարությունը չի ցանկանում խաղացողին թույլ տալ տեղափոխվել Սաուդյան Արաբիայի առաջնություն։ Նշվում է նաև  որ արգենտինացու վերադարձը «Բարսելոնա» անհնար է։

Մեսսիի պայմանագիրը Ֆրանսիայի չեմպիոնի հետ ավարտվում է 2023 թվականի հունիսին։ 2022/23 մրցաշրջանում արգենտինացին փարիզցիների կազմում անցկացրել է 39 հանդիպում բոլոր մրցաշարերում՝ դառնալով 20 գոլի և 20 գոլային փոխանցման հեղինակ։

Ֆուտբոլիստը վերջերս հեռացվել էր թիմի հետ մարզումներից՝ Սաուդյան Արաբիա մեկնելու պատճառով։ Հրապարակային ներողություն խնդրելուց հետո հարձակվողին թույլ են տվել աշխատել թիմի հետ: