«Հրապարակ». Հովիկ Աղազարյանը հետամուտ է եղել Տիգրանյան փողոցում տաղավարների ապամոնտաժմանը

«Հրապարակ» թերթը գրում է.

«ՔՊ-ական պատգամավոր Հովիկ Աղազարյանը Տիգրանյան փողոցում կարտոֆիլ վաճառող քաղաքացու հետ ունեցած ընդհարումից հետո հետամուտ է եղել այդ փողոցից առևտրի երկաթյա տաղավարներն ապամոնտաժելու հարցում։

Երեկ Աղազարյանը մեր լրագրողին ասել է, որ մի քանի օրից ամբողջությամբ կավարտվի ապամոնտաժման գործընթացը, և փողոցը կդառնա անվտանգ` վարորդների և ուղևորների համար։

Հիշեցնենք, որ մարտին Աղազարյանը կնոջ հետ ավտոմեքենայով անցնելիս էր եղել նշված փողոցով, տեսնելով խցանումը և դրա պատճառ հանդիսացած փողոցային առևտուրը, իջել էր մեքենայից և վեճի բռնվել կարտոֆիլ վաճառող երիտասարդի հետ, քաշքշուկ էր տեղի ունեցել»։

Մանրամասները թերթի այսօրվա համարում