Ինչո՞ւ է կալանավորվել Վաչագան Ղազարյանը

Կալանավորվել է Սերժ Սարգսյանի թիկնազորի նախկին պետ Վաչագան Ղազարյանը։ Այս մասին հայտնել է «Armlur.am»-ը։ 

Panorama.am-ին Քննչական կոմիտեից, Հակակոռուպցիոն կոմիտեից հայտնեցին, որ կալանավորման միջնորդությունն իրենց վարույթներում քննվող գործերով չէ։

ԱԱԾ մամուլի կենտրոնն առավոտից զանգերին չի պատասխանում։

ԲԴԽ Մամուլի և հասարակայնության հետ կապերի ծառայության պետ Լիլիթ Շաբոյանը «Փաստինֆո»-ի հետ զրույցում հաստատեց, որ Հակակոռուպցիոն դատարանը՝ դատավոր Գիվի Հովհաննիսյանի նախագահությամբ, բավարարել է Վաչագան Ղազարյանի նկատմամբ կալանավորումը որպես խափանման միջոց ընտրելու մասին վարույթն իրականացնող մարմնի միջնորդությունը։

Դեռևս պաշտոնապես հայտնի չէ, թե ինչ վարույթի շրջանակներում է կալանավորվել Վաչագան Ղազարյանը, սակայն «Փաստինֆո»-ի ունեցած տեղեկություններով՝ խոսքը ԱԱԾ-ում քննվող քրեական վարույթի մասին է, որի շրջանակներում Վաչագան Ղազարյանին մեղադրանք է ներկայացվել փողերի լվացման հատկանիշներով։