ԵԱՀԿ դիտորդները հրաժարվում են Թուրքիայի ընտրություններն արդար անվանել

ԵԱՀԿ դիտորդները համատեղ հայտարարությամբ են հանդես եկել՝ հրաժարվելով Թուրքիայի նախագահական ընտրությունները որակել որպես «արդար և ազատ»։ Այս մասին հաղորդում է ՌԻԱ Նովոստին։

 Թուրքիայի նախագահական ընտրությունների երկրորդ փուլում Ռեջեփ Թայիփ Էրդողանը հաղթել է ձայների 52% արդյունքով, ընդդիմությունից նրա մրցակից Քեմալ Քըլըչդարօղլուն ստացել է ձայների 48%-ը։ Ընտրությունների վերջնական արդյունքները կհրապարակվեն հունիսի 1-ից ոչ շուտ։

«Չափազանց անհեռատես կլինի ասել՝ ընտրություններն ազնիվ էին։ Քվեարկության երկրորդ փուլն անցել է ոչ ժողովրդավար պայմաններում»,- ասվում է դիտորդների հայտարարության մեջ։