Ամենից շատ կարդացված նյութեր
.jpg "ՆԳ փոխնախարարը` ոստիկանների կողմից բռնությունների մասին")
«Խնդրում եմ տարբեր միջադեպերի դեպքում դա չվերագրել ամբողջ ռեֆորմին և չնշել՝ սա ՆԳՆ-ի ժողովրդավարական ռեֆորմի շրջանակներում տեղավորվում է, թե ոչ: Կա կարգապահական վարույթ, որի շրջանակներում հարցը քննարկվում է»,- ըստ Factor.am-ի տեսանյութի, ԱԺ-ում լրագրողներին ասաց ՆԳ փոխնախարար Արփինե Սարգսյանը՝ անդրադառնալով վերջին օրերին ոստիկանների մասնակցությամբ միջադեպերին։
Խոսելով Դիլիջանի քննչականի պետի կողմից անչափահասին ծեծի ենթարկելու դեպքին, նա ասաց. «Քրեականի պետի մասով կա կարգապահական վարույթ: տեղեկատվությունը ստացել է հենց Ոստիկանության ներքին անվտանգության վարչությունը, ծառայողական քննությունը հարուցել է հենց այդ վարչությունը, տվյալ ծառայողի լիազորությունները կասեցրել է հենց ներքին անվտանգության վարչությունը»:
Նա նշեց, որ ցանկացած բռնություն բնականաբար ընդունելի չէ և այս տեսանկյունից իրավաչափ վարույթի շրջանակներում, եթե հաստատվի դեպքը, համապատասխան քայլեր կարվեն
«Ձեր նշած երկու դեպքերի մասով էլ կա ծառայողական քննություն, երկու աշխատակցի լիազորություններն էլ դադարեցված են: Նման իրավիճակներն ընդհանրապես բացառել չենք կարող, որովհետև գործ ունենք մեծ ծառայության հետ, և կարող են եզակի դեպքեր վրա հասնել: Կարևոր է պետության արձագանքը այս դեպքերում: Եվ երկու դեպքում էլ եղել է ծառայողական քննություն և լիազորությունները ժամանակավորապես դադարեցվել են»,- ասել է նա։
Studio One