Լուկաշենկո. Հայաստանի և Ադրբեջանի միջև հակամարտության լուծումը պետք է շահավետ լինի երկու կողմերի համար

Հայաստանի և Ադրբեջանի միջև հակամարտության լուծումը պետք է ձեռնտու լինի երկու կողմերին։ Հունիսի 8-ին Հավաքական անվտանգության պայմանագրի կազմակերպության անդամ երկրների անվտանգության խորհուրդների քարտուղարների հետ հանդիպմանը հայտարարել է Բելառուսի նախագահ Ալեքսանդր Լուկաշենկոն։ Նրա խոսքերը մեջբերում է belta.by-ը։ 

Նա ասել է, որ անհրաժեշտ է ՀԱՊԿ տարածքում հակամարտություններից, հատկապես զինված հակամարտություններից, զերծ մնալ։ Դրանցից մեկը Հայաստանի և Ադրբեջանի հակամարտությունն է։

«Համբերություն և խնդրին լուծում գտնելու փորձեր, որոնք ձեռնտու կլինեն և Հայաստանին, և Ադրբեջանին»,- ասել է Ալեքսանդր Լուկաշենկոն։