Ծառայությունների ոլորտում սակագները 4.7%-ով աճել են

Բնակչությանը մատուցված ծառայությունների ոլորտում 2023թ. Մայիսին 2022թ. մայիսի համեմատ սակագներն աճել են 4.7%-ով, իսկ 2023թ. ապրիլի համեմատ` 0.2%-ով:

ՀՀ վիճակագրական կոմիտեի հրապարակած տվյալների համաձայն, հանրապետության դիտարկվող բոլոր քաղաքներում 2023թ. մայիսին ապրիլի համեմատ բնակչությանը մատուցված ծառայությունների սակագներն աճել են 0.1-0.3%-ով, այդ թվում, համեմատաբար բարձր գնաճ արձանագրվել է Վաղարշապատ և Հրազդան քաղաքներում: Մայրաքաղաքում բնակչությանը մատուցված  ծառայությունների սակագներն աճել են 0.2%-ով:

Նշենք, որ ՀՀ սպառողական շուկայում 12-ամսյա գնաճը (2023թ. մայիսը 2022թ. մայիսի նկատմամբ) կազմել է 1.3%, իսկ նախորդ ամսվա նկատմամբ գրանցվել է 1.8% գնանկում: