«Հրապարակ». Աղմկահարույց նախագիծը բունտ է հասունացրել կառուցապատողների մոտ

«Հրապարակ» թերթը գրում է.

«Գևորգ Պապոյանի առաջարկած աղմկահարույց նախագիծը, որով առաջարկում է օրենքը փոխել, որ կառուցապատողներին բանկը հիպոթեքային պայմանագրերի գումարները տրամադրի ոչ թե կառուցապատման սկզբում, այլ՝ վերջում, երբ բնակարանները հանձնվեն շահառուներին, բունտ է հասունացրել կառուցապատողների մոտ։ Մի քանի տասնյակ կառուցապատողներ, մեր տեղեկություններով, դիմել են Նիկոլ Փաշինյանին և հանդիպում-քննարկում խնդրել:

Որոշ տեղեկություններով, մոտ ժամանակներս Փաշինյանը կընդունի նրանց, քննարկմանը կմասնակցի նաև Պապոյանը, իսկ երկուշաբթի փոխվարչապետերն են հրավիրված խորհրդարան՝ ֆինանսավարկային հանձնաժողովում շահագրգիռ պատգամավորների հետ քննարկելու նախագիծը։ Ի դեպ, անհնարին է, որ Պապոյանը նման նախագիծ ներկայացներ՝ առանց համաձայնեցնելու վերադասի հետ»։

Մանրամասները թերթի այսօրվա համարում