2024-ին Ծանրամարտի աշխարհի առաջնությունը չի անցկացվի Երևանում

Բահրեյնի մայրաքաղաք Մանաման կհյուրընկալի  2024թ.  ծանրամարտի աշխարհի առաջնությունը: Քվեարկությունը տեղի է ունեցել Կուբայի մայրաքաղաք Հավանայում անցկացված ծանրամարտի միջազգային ֆեդերացիայի /IWF/ գործկոմի նիստում:

ՀԱՕԿ-ի հաղորդմամբ, Մերձավոր Արևելքի հայտը ստացել է ավելի մեծ աջակցություն, քան  մյուս երկու թեկնածուները՝ Երևանը և Տիրանան:

Սա կլինի ծանրամարտի ամենակարևոր մրցումը, որը երբևէ անցկացվել է Բահրեյնում, որը հաջողությամբ ընդունել է 2022թ.Ասիայի առաջնությունը:

2024թ. աշխարհի առաջնությունը նշանակված է նոյեմբեր-դեկտեմբեր ամիսներին՝ Փարիզի օլիմպիական խաղերի  ավարտից մի քանի ամիս հետո: