Խորհուրդներ՝ դիաբետիկ ոտնաթաթի համախտանիշը կանխարգելելու համար

Շաքարային դիաբետով հիվանդների մոտ ոտնաթաթերի զգայունությունը նվազում է, և ցանկացած վնասվածք, նույնիսկ ամենաչնչինը, կարող է հանգեցնել լուրջ հետևանքների։

Մաշկաբան-պոդոլոգ Մուշեղ Մանուկյանը մի ներկայացնում է մի քանի խորհուրդ՝ շաքարային դիաբետով հիվանդներին ոտնաթաթերի խնամքի համար։

Դրանք են՝

- Ամեն օր լվանալ ոտքերը և սրբել զգուշորեն։ Պետք է մանրակրկիտ լվանալ նաև միջմատային տարածությունները

- Հաճախակի զննել ոտքերը, որպեսզի բացահայտեք ճեղքերը, ճաքերը, վնասվածքները, որոնց միջով հնարավոր է տեղի ունենա վարակի ներթափանցում

- Խուսափել շատ բարձր կամ շատ ցածր ջերմաստիճանից

- գուլպաները փոխել ամեն օր, կրել միայն համապատասխան չափսի գուլպաներ և կոշիկներ

- Եղունգները կտրել միայն ուղիղ՝ առանց կորություն տալու

- Մաշկի չորության դեպքում քսել չիչխանի կամ դեղձի յուղեր պարունակող քսուքներ, սակայն չի կարելի քսել միջմատային տարածություններում։

- Անհապաղ դիմել մասնագետի՝ անգամ աննշան բորբոքային պրոցեսների դեպքում։