Ատլանտյան օվկիանոսում անհետացած բատիսկաֆի որոնումների վայրում հայտնաբերվել են նրա բեկորներ

Ատլանտյան օվկիանոսում բատիսկաֆի որոնման վայրում հայտնաբերվել են «Տիտան» սուզանավերի բեկորները, որոնց հետ կապը կորել էր մի քանի օր առաջ։ ՏԱՍՍ-ը հայտնում է, որ այդ մասին բրիտանական Sky News հեռուստաալիքի եթերում հայտարարել է որոնողափրկարարական աշխատանքների ոլորտի փորձագետ Դեյվիդ Մեարնսը` վկայակոչելով Travel Club ընկերության նախագահ Ռիչարդ Գարիոթին։

Ըստ Մեարնսի՝ Գարիոթը, ով «ուղիղ կապ» ունի բատիսկաֆի որոնման մեջ ներգրավված նավերի հետ, WhatsApp-ի ընդհանուր խմբում գրել է, որ գտնվել են « բատիսկաֆի աստիճանահարթակի շրջանակը և հետևի կափարիչը»։