«Ռեալը» համաձայնել է Մբապեի տրանսֆերին 200 միլիոն եվրոյով. Աղբյուր

ՊՍԺ-ի ինսայդերների տեղեկությունների համաձայն՝ Մադրիդի «Ռեալի» նախագահ Ֆլորենտինո Պերեսը համաձայնության է եկել փարիզյան ակումբի ղեկավարության հետ 24-ամյա Մբապեի տրանսֆերի շուրջ 200 միլիոն եվրոյի դիմաց։ sport-express.ru-ի հաղորդմամբ, ՊՍԺ-ն կստանա ևս 50 միլիոն եվրո բոնուսներ, եթե Մբապեն նվաճի «Ոսկե գնդակը»:

Ավելի վաղ ֆուտբոլիստը ՊՍԺ-ին հայտնել էր, որ չի ցանկանում երկարաձգել պայմանագիրը, որն ավարտվում է մեկ տարուց: Թեև ի սկզբանե պայմանագրում, որը նա ստորագրել էր անցյալ տարի, կետ կար պայմանագիրը մինչև 2025 թվականը երկարաձգելու հնարավորության մասին։

Չորեքշաբթի օրը կարևոր հանդիպում է կայացել փարիզյան ակումբի սեփականատեր Համադ Ալ-Թանիի և Մբապեի ներկայացուցչի միջև։ Իր հերթին ՊՍԺ-ն վերջնագիր է ներկայացրել՝ կամ Կիլիանը համաձայնում է երկարաձգել պայմանագիրը մինչև հավաքի մեկնարկը, կամ ակումբը կվաճառի նրան այս ամառ: