«Հայկական Կինոդար» մարզային ծրագիրը մեկնարկում է Արմավիրից

Հայ կինոյի 100-ամյակի հոբելյանական ծրագրի շրջանակում Հայաստանի ազգային կինոկենտրոնը` ՀՀ ԿԳՄՍՆ պետական ֆինանսական աջակցությամբ իրականացնում է «Հայկական Կինոդար» մարզային ծրագիրը, որի նպատակն է հայկական կինոժառանգության և ժամանակակից ֆիլմերի հանրայնացումը Հայաստանի բոլոր մարզերում:

Հայաստանի ազգային կինոկենտրոնի հաղորդմամբ, ծրագրի մեկնարկը տրվում է Արմավիրի մարզից. հուլիսի 11-17-ը մարզի քաղաքներում ու համայնքներում ցուցադրվելու են հայկական հին ու նոր ֆիլմերը:

Ծրագիր․
Հուլիսի 11-ին, ժամը 18:00՝ Արմավիր քաղաքի մշակույթի տուն-«Մեր մանկության տանգոն», ռեժիսոր՝ Ալբերտ Մկրտչյան

Հուլիսի 12-ին, ժամը 18:00՝ Մայիսյան գյուղի մշակույթի տուն-«Կտոր մը երկինք», ռեժիսոր՝ Հենրիկ Մալյան

Հուլիսի 13 -ին, ժամը 18:00՝ Խանջյան գյուղի մշակույթի տուն-
«Տխուր փողոցի լուսաբացը», ռեժիսոր՝ Ալբերտ Մկրտչյան

Հուլիսի 14-ին, ժամը 18:00՝ Լուկաշին գյուղի մշակույթի տուն-«Տղամարդիկ», ռեժիսոր՝ էդմոնդ Քեոսայան

Հուլիսի 17-ին, ժամը 18:00՝ Հացիկ գյուղի մշակույթի տուն-«Զարմանադարան», ռեժիսոր՝ Անդանիկ Թորոսյան, «Անբան հուռին», ռեժիսոր՝ Արթուր Միքայելյան