Հայկական լավաշն աշխարհի լավագույն հացատեսակների 10-յակում է

Հայկական լավաշն ընդգրկվել է աշխարհի լավագույն հացատեսակների թոփ-10-ում։ TasteAtlas խոհարարական ուղեցույցի հրապարակած տվյալների համաձայն, այն զբաղեցնում է 9-րդ տեղը:

Նկարագրվում է, թե ինչպես են պատրաստում լավաշ, նշվում` կախված Հայաստանի որ շրջանում է այն պատրաստվում, այս տափակ հացերը կարող են տարբեր լինել հաստությամբ, չափսերով, ձևով և հունցման եղանակով։

Հիշեցնենք, որ 2014-ին լավաշը՝ «Լավաշ. ավանդական հացի պատրաստումը, նշանակությունը և մշակութային դրսևորումները Հայաստանում» ընդգրկված է ՅՈՒՆԵՍԿՕ-ի ոչ նյութական ժառանգության ցանկում: