Զախարովա. Մոսկվայում սպասում են Փաշինյան-Ալիև հանդիպման արդյունքներին

Մոսկվան սատարում ցանկացած կառուցողական  միջնորդություն, որը Բաքվի ու Երևանի միջև կբերի խաղաղություն։ Այս մասին  NEWS.ru-ին հայտնել է ՌԴ ԱԳ նախարարության ներկայացուցիչ Մարիա Զախարովան՝ պատասխանելով Բրյուսելում հուլիսի 15-ին ԵՄ ղեկավարի միջնորդությամբ կայանալիք հանդիպման մասին հարցին։ ՌԴ ԱԳՆ ներկայացուցիչը նշել է, որ եզրակացություններ անելու համար վաղ է։

«Պետք է եզրակացություններ  անել հանդիպման արդյունքների հիման վրա»,-ասել է նա։

Հիշեցնենք, որ Նիկոլ Փաշինյանն այսօր հայտարարեց, որ եռակողմ հանդիպումը կայանալու է հուլիսի 15-ին Բրյուսելում։ Նա հույս է հայտնել, որ հանդիպման ընթացքում հնարավոր կլինի խաղաղության  գործընթացում  հասնել առաջընթացի։