Մասկը նոր ընկերություն է ստեղծել, որը կօգնի Twitter-ին արհեստական ինտելեկտի հարցում

Ամերիկացի միլիարդատեր և ձեռնարկատեր Իլոն Մասկի նոր ընկերությունը՝ xAI-ն, կօգնի Twitter-ին արհեստական ինտելեկտի մոդելներ պատրաստել: Լուրը  հայտնում է «ՌԻԱ նովոստի»-ն։

«Կարծում եմ, որ մենք կօգտագործենք նաև հանրային թվիթերը մարզումների համար, իհարկե, ոչ մի մասնավոր բան, ինչպես գրեթե բոլորն են անում»,-ասել է Մասկը՝ խոսելով նոր նախագծի աշխատանքի մասին։

Մասկը կարծում է, որ xAI-ի աշխատանքի շնորհիվ հնարավոր կլինի ստեղծել արհեստական ընդհանուր ինտելեկտ (AGI), որի նպատակը կլինի «տիեզերքը հասկանալը»։ Միևնույն ժամանակ, ձեռնարկատերը նշել է, որ արհեստական ինտելեկտի xAI լեզուն «քաղաքականապես կոռեկտ» չի լինի։